Munasip ferman Ukrayina devletiniñ saytında derc etildi.
Kurışko, Yaroslav Mudrıy adına Ukrayina Milliy uquq akademiyasında tasil aldı. Uquqçı olıp, hususan, "KrımSOS" uquq qoruyıcı teşkilâtında çalıştı.
Öz işini Ukrayina prezidentiniñ Temsilciliginde Kurışko 2021 senesi dekabr ayında, müessiseniñ uquqiy temin etüv bölüginiñ yolbaşçısı vazifesinden başladı. O, reintegratsiya meseleleri strategik ve programma vesiqaları üzerinde çalıştı, ilhaq etilgen Qırım ve Aqyar sakinleriniñ tasil almaq, pensiya teminlevi, pasport vesiqalarını almaq, siyasiy mabüsler ve olarnıñ aile azalarına qol tutuv saasında aqlarını qorçalav boyunca normativ-uquqiy vesiqalarnıñ işlep çıqaruvında iştirak etti.
2023 senesi iyün ayında Ukrayina prezidentiniñ Qırım MC daimiy temsilcisiniñ muavini vazifesine tayinlendi.
Dekabrniñ 5-nde Ukrayina prezidenti Volodımır Zelenskıy Qırım Muhtar Cumhuriyetindeki daimiy vekili vazifesinden Tamila Taşevanı boşattı. Bundan soñ Kurışko Qırım MC daimiy temsilciligi yolbaşçısınıñ vazifelerini eda etken vazifesine tayinlengen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
