Ukrayına rejissöri, Ukrayınanıñ qarşı ücüminde iştirak etken Ukrayına Silâlı quvetleriniñ qırımlı arbiyi Oleg Sentsov Facebook saifesinde hastahanege alınğanını bildirdi.
O, cebeden bir video paylaşıp, o ve safdaşları «sağ qalğanlar uruştan çıqtı», dep tarif etti. Qırımlı bildirgenine köre, o, büyük ihtimalnen, kontuziya oldı. Arqadaşları yaralandı.
Kremlniñ sabıq siyasiy mabüsi emin ki, Ukrayına Rusiye ile cenkte ğalip çıqacaq ve «bunıñ içün neler feda etilgenini» köstermek içün bu video muracaatını yazdı, dep qayd etti.
Rusiye Federatsiyasınıñ büyük istilâsınıñ ilk künleri Sentsov Kyivniñ territorial mudafaasına qoşuldı, soñra Lugansk ve Donetsk vilâyetleriniñ eñ sıcaq yönelişlerinde cenkleşti. Bıltır dekabr ayında Sentsovnıñ oğlu doğdı, adını Demyan qoyğanlar. Onı tek mart ayında kördi. Ukrayına rejissöri «Qırımğa Ukrayına bayrağını qaytarmaq» içün cenkleşe, dep tarif etken edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
