Link açıqlığı

Saatnıñ esas haberi

«Qırımlı musulmanlar davası» boyunca mahküm etilgen qırımlı Fedorov Udmurtiyadaki yañı koloniyağa etap etildi – ömür arqadaşı


Oleg Fedorov, «qırımlı musulmanlar davasınıñ» mabüsi
Oleg Fedorov, «qırımlı musulmanlar davasınıñ» mabüsi

Rusiye tarafından 13 yılğa mahküm etilgen «qırımlı musulmanlar davasınıñ» mabüsi Oleg Fedorovnı Sarapul şeerindeki İK-5-ten Udmurtiya vilâyetiniñ Hohrâki köyündeki İK-8-ge avuştırdılar, onı birden ceza izolâtorına qapatqanlar. Bu aqta «Qırım birdemligi» cemaat birleşmesi aqayından mektüp alğan ömür arqadaşı İrina Fedorovanıñ malümatına esaslanıp haber etti.

Qırımlı evelki koloniyanıñ dağılması sebebinden yañı koloniyağa avuştırıldı. Lâkin Sarapul koloniyasında çıqarılğan ceza kamerasında qalmaq emri İK-8-de de devam ete. Fedorov mektübinde onıñ ceza kamerasında tutulması «fevralniñ soñuna qadar» uzatıldı, dep haber ete.

«Olegniñ yazğanına köre, şaraitler tahminen Sarapuldeki kibi. Sağlığı aqqında bir şey yazmay», – dedi İrina Fedorova.

Soy-soplarınıñ aytqanına köre, Fedorov sert tutuv şaraitleri aqqında aytılğan şahsiy işteki vesiqanen beraber yañı koloniyağa ketirildi.

«Oña bu qarar (vesiqa kopiyası) altında imzası bar, dep aytqanlar, amma o, bir şey imzalamağan ve bu qararnı bir vaqıt körmegen», – dep bildirdi İrina Fedorova.

Oleg Fedorov – bağçasaraylı iş adamı. Apiske alınmazdan evel Qırımda siyasiy sebepli davalarnı ziyaret ete, qırımtatar siyasiy mabüslerine qoltutuv haber kampaniyalarında ve fleşmoblarda iştirak ete, qırımlı reinelerniñ qorantalarına maddiy yardım köstere edi.

2021 senesi fevralniñ 17-nde Qarasuvbazar, Bağçasaray, Aqmescit, Aqyar şeerlerinde ve Qırımnıñ İçki rayonında kütleviy tintüvler keçirildi. Lenur Seydametov, Timur Yalkabov, Azamat Eyupov, Yaşar Şihametov, Ernest İbragimov ve Oleg Fedorov olarnıñ evlerinde tahqiqat tedbirleri keçirilgen soñ, FSBniñ Qırım idaresine ketirildi.

Qırımtatarlar Rusiyede yasaqlanğan, amma Ukrayina ve dünyanıñ bir çoq memleketinde milliy qanunlar seviyesinde sıñırsız areket etken «Hizb ut-Tahrir» diniy teşkilâtınıñ faaliyetine qoşulğanlarında qabaatlandı.

2022 senesi iyül ayında Rostov-na-Donu şeeriniñ Cenübiy okrugınıñ mahkemesi «Qırım musulmanları davasında» üç qırımtatar faali Oleg Fedorov, İsmet ve Ernest İbragimovlarğa üküm çıqardı.

Ernest İbragimov ve Oleg Fedorov sert rejimli koloniyasında 13 yıl qalmalarına üküm etildi. Bulardan 3,5 yıl apishanede qalacaqlar. Azat etilgen soñ sıñırlavlar 1 yıl devam etecek. İsmet İbragimov ise 19 yılğa üküm etildi.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

XS
SM
MD
LG