Rusiye ordusı 2024 senesi yanvarniñ 1-ne keçken gecesi Odesağa dronlarnen ücüm etti, dep bildirdi vilâyet arbiy memuriyetiniñ yolbaşçısı Oleg Kiper.
Umumen, onıñ malümatına köre, ücüm neticesinde doquz insan zarar kördi.
''Olardan biri elâk oldı, üçü hastahanege alındı. Qalğanlarnıñ episi tıbbiy yardımnı anda aldı", - dep yazdı memur Telegram kanalında.
Daa evel Kiper, mesken evlerge doğru ve parçalarnen urulğanı aqqında bildirgen edi.
Odesa ve Odesa vilâyeti muntazam sürette Rusiye dronları ve raketalarınıñ ücümlerine oğray. Hususan, dekabrniñ 29-nda vilâyet merkezinde yüz bergen büyük ücümde beş insan elâk oldı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
