Odesadaki 8 kişi elâk olğan «Tokio Star» musafirhanesinde çıqqan yanğın vaqtında yaralanğanlar arasında eki çetel vatandaşı ve bir bala bar edi, dep haber etti Odesa vilâyeti devlet memuriyetiniñ Sağlıq departamenti müdiri İgor Ginjul.
«7 insan Odesa şeer hastahanesine alındı, olarnıñ arasında bir çetel vatandaşı bar, Syerra-Leone vatandaşı: 6 insan ağır alda, bir kişi orta ağır alda buluna. Eki insan Odesa vilâyetiniñ merkezine yanıq bölügine alındı: biri ağır alda, biri – orta ağır alda», dep bildire İnterfaks-Ukraina.
Yaralanğanlarnıñ bedeni ve nefes yolları yanıqlardan zarar kördi, yanuv mahsullarınen zeerlendi.
Ginjulnıñ tarif etkenine köre, daa bir çetel vatandaşı, Litvaniya vatandaşına, tibbiy yardım kösterildi, amma o, hastahanege yatmaqtan vazgeçti.
Yardım alğan hastalar arasında 2 Odesa sakini, 3 Odesa vilâyetiniñ sakini, 1 Herson vilâyetiniñ sakini, 1 Sumı sakini ve 1 Mariupol sakini bar.
Uquq qoruyıcılarnıñ malümatına köre, otelden tahliye etilgenler arasında 29 çetel vatandaşı bar.
