Rusiye arbiyleri aprelniñ 16-na keçer gecesi Odesağa uçucısızlarnen ücüm etti, neticede yanğınlar çıqtı, ilk malümatqa köre, üç kişi yaralandı, dep haber etti Ukrayina Fevqulâde vaziyetler devlet hızmeti.
«Yanğınlar bir qaç adreste çıqtı – mesken evler yandı, anbarlar zarar kördi», – dep qayd etti Fevqulâde vaziyetler devlet hızmeti. Başqa tafsilâtlar şimdilik yoq.
Odesa vilâyetindeki Devlet fevqulâde vaziyetler hızmetiniñ idaresi mesken evlerden birinde qoranta «eki divar» qaidelerine riayet etti, «bu da ayatlarını qurtarğandır, çünki bütün bina zarar kördi».
Bunıñ arfesinde NATO baş kâtibi Mark Rütte Odesanı ziyaret etti, dep haber etti.
Rusiye arbiyleri Ukrayina regionlarına çeşit silâlarnen muntazam surette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturalarına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminatı obyektlerini yoq etkenini red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıy ve olarnıñ maqsatlı olğanını qayd eteler.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
