Odesada Rusiye imperatriçesi II Yekaterina abidesiniñ sökülmesi tamamlandı. Bunı Odesa vilâyetiniñ arbiy memuriyetiniñ yolbaşçısı Maksim Marçenko haber etti.
"Bugün kerçekten de tarihiy vaqia yüz berdi. Niayet, Odesada Rusiye imperatriçesi II Yekaterina abidesi söküldi. Rusiye imperiyası mirasınıñ zemaneviy, uquq, demolkratik Ukrayinada yeri olmağanı mevzusında fikrini bildirgen Odesa sakinlerine teşekkür bildirem", - dep yazdı o.
II Yekaterina abidesi yanındaki Cenüp ordusınıñ baş komandanı Grigoriy Potemkinniñ, Novorossiysk diyarınıñ general valisi Platon Zubovnıñ, müendis Frants de Volan ve vitse admiral İosif de Ribasnıñ eykelleri de söküldi.
Odesa şeer şurası abideniñ sanat müzeyine berileceginini bildirdi.
"Odesağa temel qoyucılar" abidesi 1990 senesi tiklendi, 20 yıl keçken soñ sovet ükümeti onı sökip, II Yekaterina eykelini bozdı. Tekrar abide 2007 senesi tiklendi.
Rusiyeniñ Ukrayinağa büyük istilâsı başlanğan soñ sakinler yerli başlıqlarğa muracaat etip, abideniñ sökülmesini talap ettiler.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
