Rusiye arbiyleri Odesa vilâyetiniñ Belgorod-Dnistrovskıy rayonına raketa darbesini endirdi, yıquvlar bar, dep bildirdi vilâyetniñ arbiy memuriyet yolbaşçısı Oleg Kiper.
«Duşman atışları neticesinde Belgorod-Dnistrovskıy rayonında yanğın çıqtı ve raatlıq bazası qısmen zarar kördi. Yaqın turğan eki yengil maşina yandı. 600 metr kârelik meydanda yanğın söndürildi», – dep yazdı o, Telegramda.
Kiperniñ aytqanına köre, yaralanğanlar ve elâk olğanlar yoq.
Rusiye küçleri daima çeşit türlü silâ qullana – ücüm uçucısız, raketa, tüzetilgen ava bombaları, toplu ateş reaktiv sisteması – Ukrayina regionlarına ücüm eteler.
Rusiye reberligi Rusiye ordusı Ukrayina şeer ve köyleriniñ vatandaş infrastrukturasına maqsatlı ücümler yapqanını, sakinlerni öldürgenini ve hastahane, mektep, bala bağçaları, energetika ve suv teminatı obyektlerini yıqqanını inkâr ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayeti olaraq tasnif etip, belli maqsadları bar, dep qayd ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
