İyünniñ 27-nde Odesa vilâyetiniñ arbiy memuriyetiniñ yolbaşçısı Oleg Kiper, Qara deñiz akvatoriyasında suvnıñ tuzlulığı stabilleşkenini bildirdi.
Onıñ tahminlerine köre, bir aftadan soñ tuzlulıq qararına kelecek.
"Amma diger bir mesele bar - Kahovka suv elektrik stantsiyasınıñ dağıluvından soñ aqıntı ketirgen kirdi suv sebebinden Qara deñiz çiçeklep başladı. Yazıq ki, amma ayvan ve ösümliklerniñ yoq etilmesini qayd etemiz, bu ekotsidtir", - dedi o.
Kiper vilâyette Qara deñizde yuvunma ve balıq tutma yasaq etilgenini de hatırlattı.
İyünniñ 6-nda saba Rusiye Herson vilâyetinde Kahovka suv elektrik stantsiyasını patlattı, dep bildirdi Ukrayina arbiyleri.
Ukrayına prezidenti ofisiniñ yolbaşçısı Andriy Yermak Kahovka Kahovka suv elektrik stantsiyası bentiniñ bozuluvı Qırımnı içilgen suvsız qaldıra bile, dep bildirdi. Mesleatçısı Mıhaylo Podolâk patlatuvnı Rusiye Silâlı quvetleriniñ 205-inci motor atıcı brigadası yaptı, dep tahmin etti.
Ukrayina milliy telükesizlik ve mudafaa şurasınıñ kâtibi Oleksiy Danılov Kahovka Kahovka suv elektrik stantsiyasınıñ patlatıluvı «Rusiye istilâsınıñ yañı basamağı» ola, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
