Odesa psihiatrik hastahanesinde yanğın çıqtı, altı insan – beş hasta ve bir emşire – elâk oldılar. Bu aqta «Nastoyaşçeye vremâ» telekanalı haber ete.
Yanğın çıqqanda hastahanede 51 insan bar edi. Olardan tek beşi hastahanege alındı, dep bildirdi qurtarıcı hızmetler.
Azatlıq Radiosı ukrain bürosınıñ mühbiri bildirgenine köre, yanğın 500 metr kârelik alannı qavrap aldı.
Yanğın sebebi daa belli degil. Politsiya «qanun belgilegen yanğın telükesizliginiñ bozuluvı» maddesi boyunca cinaiy dava açtı.
Ukraina prezidenti Volodımır Zelenskıy Twitterde yanğın – «qorqunç bir facia», dep yazdı. O, baş nazir Volodımır Ğroysmanğa adiseni tahqiq etecek komissiyanı qurmağa avale etti.
