Odesa vilâyetiniñ arbiy memuriyetiniñ spikeri Sergey Brataçuk iyünniñ 6-nda, Rusiyeniñ Odesağa desant enmesi ihtimalınıñ alâ bar olğanını bildirdi.
"Desant enme telükesi qlmaqta, lâkin şimdilik azırlıq körünmey, hususan da duşmannıñ desant arbiy ameliyatınıñ faal basamağına azırlanması. Zmeyinıy adasında duşman arbiy qabiliyetini arttırmağa devam ete, amma bizim de Silâlı quvetlerimiz, hususan Arbiy deñiz quvetlerimiz buñıñ qarşısını alğan tedbirler keçirmekte", - dedi o.
Odesa vilâyetiniñ arbiy memuriyetiniñ malümatına köre, Qara deñizde qanatlı raketaları olğan bir suvustü qayıq, bir suvastı qayıq ve bir qaç balaban desant gemiler bulunmaqta.
Brtçuk hatırlattı ki, rusiyelilerniñ esas taktikası raketa darbelerini endirmektir, şu cümleden Odesa vilâyetiniñ territriyası üzerine de.
Rusiye fevralniñ 24-nde Ukrayinağa büyük istilâ etti, amma istegenini alamadı, hususan ukrayinalılarnıñ tirenüvi sebebinden Kyivni zapt etemedi.
Aprelniñ 22-nde Rusiye Ukrayinadaki «mahsus operatsiyanıñ» (anda büyük istilânı böyle adlandıralar) «ekinci fazası» vaqtında yañı planlar aqqında bildirdi. Rusiye arbiyleri işğal etilgen Qırımğa qara ayatını temin etmek ve Pridnestrovyege çıqmaq içün Donbas ve cenübiy Ukrayinanı kontrol altına almağa niyetlene.
Faqat, ğarbiy istihbaratnıñ malümatına köre, Donbasta Rusiye muvafaqiyetli sıñırlı ve Ukrayinanıñ küçlü tirenüvi sebebinden Rusiye ordusınıñ ğayıpları büyük.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
