«Yatırımcılarnı qoruv fondu» Qırımda öz faaliyetini toqtatqan «Oşçadbank» ukrain bankınıñ sabıq müşterilerine 5 mlrd ruble ödemege planlaştıra.
Bunı «Yatırımcılarnı qoruv fondunıñ» Nezaret keñeşiniñ reisi Andrey Melnikov Aqyardaki matbuat konferentsiyasında bildirdi, dep haber ete Qırım «akimiyetine» yaqın olğan Krıminform saytı.
«Fond doquz ukrain bankı – «Marfin Bank», «Ukrsotsbank», «Ukrsibbank», «Delta-Bank», «Gorodsköy Kömmerçeskiy Bank», «Bank Forum», «Avtokrazbank», «Platinum Bank» ve «Oşçadbank» – 220 biñ müşteri muracaatlarını bekley, olarnıñ ödev talapları 6-7 mlrd rubleni teşkil etmesi mümkün», – dep ayttı Melnikov.
Onıñ bildirgenine köre, aman-aman 200 biñ ariza «Oşçadbank» müşterilerine ait, olarnıñ tazminat ödevleri 5 mlrd rubleni teşkil etmesi mümkün.
«Diger banklar yatırımcılarınıñ sayısı 20 biñ insannı teşkil etedir. Tabiiy ki, olarnıñ parası «Oşçadbank» müşterilerine baqqanda, azca olacaq», – dep qayd etti Melnikov.
O, nevbetler tizmemege ve arizalar bermege aşıqmamağa çağırdı.
«Ödevlerniñ tazminat parası bar, er istegen adam qabul etilecek, arizalarnı teslim etüv müddeti üç ayğa qadar arttırılacaq. Müstesna allarda diger variantlarnı da baqacaqmız», – dep ayttı Melnikov.
Rusiyeniñ merkeziy bankı Qırım ve Aqyarda doquz ukrain bankı, şu cümleden «Oşçadbank» devlet bankınıñ faaliyetini toqtattı.
Mayıs 20-ne qadar «Yatırımcılarnı qoruv fondu» ödev tazminatını almağa istegen adamlardan 100,4 biñ arizanı qabul etti.
«Oşçadbank» mayıs 22-de bergen malümatqa köre, Qırımnıñ öz başına ilân etilgen akimiyeti devlet maliye müessisesiniñ anbarından 32,45 mln grn çıqarıp, belli olmağan bir yerge alıp ketti. Bu para nefaqacı, saqat, veteran, balalı qorantalar ve ealiniñ yardımğa muhtac olğan diger qatlamlarına berilecek edi.
«Oşçadbank» bildirgenine köre, al-azırda maliye müessisesine ketirilgen zararnen bağlı vesiqalar toplanıla, ve Ukraina Rusiye Federatsiyasına qarşı mahkeme davasını açtıracaq ola.
Bunı «Yatırımcılarnı qoruv fondunıñ» Nezaret keñeşiniñ reisi Andrey Melnikov Aqyardaki matbuat konferentsiyasında bildirdi, dep haber ete Qırım «akimiyetine» yaqın olğan Krıminform saytı.
«Fond doquz ukrain bankı – «Marfin Bank», «Ukrsotsbank», «Ukrsibbank», «Delta-Bank», «Gorodsköy Kömmerçeskiy Bank», «Bank Forum», «Avtokrazbank», «Platinum Bank» ve «Oşçadbank» – 220 biñ müşteri muracaatlarını bekley, olarnıñ ödev talapları 6-7 mlrd rubleni teşkil etmesi mümkün», – dep ayttı Melnikov.
Onıñ bildirgenine köre, aman-aman 200 biñ ariza «Oşçadbank» müşterilerine ait, olarnıñ tazminat ödevleri 5 mlrd rubleni teşkil etmesi mümkün.
«Diger banklar yatırımcılarınıñ sayısı 20 biñ insannı teşkil etedir. Tabiiy ki, olarnıñ parası «Oşçadbank» müşterilerine baqqanda, azca olacaq», – dep qayd etti Melnikov.
O, nevbetler tizmemege ve arizalar bermege aşıqmamağa çağırdı.
«Ödevlerniñ tazminat parası bar, er istegen adam qabul etilecek, arizalarnı teslim etüv müddeti üç ayğa qadar arttırılacaq. Müstesna allarda diger variantlarnı da baqacaqmız», – dep ayttı Melnikov.
Rusiyeniñ merkeziy bankı Qırım ve Aqyarda doquz ukrain bankı, şu cümleden «Oşçadbank» devlet bankınıñ faaliyetini toqtattı.
Mayıs 20-ne qadar «Yatırımcılarnı qoruv fondu» ödev tazminatını almağa istegen adamlardan 100,4 biñ arizanı qabul etti.
«Oşçadbank» mayıs 22-de bergen malümatqa köre, Qırımnıñ öz başına ilân etilgen akimiyeti devlet maliye müessisesiniñ anbarından 32,45 mln grn çıqarıp, belli olmağan bir yerge alıp ketti. Bu para nefaqacı, saqat, veteran, balalı qorantalar ve ealiniñ yardımğa muhtac olğan diger qatlamlarına berilecek edi.
«Oşçadbank» bildirgenine köre, al-azırda maliye müessisesine ketirilgen zararnen bağlı vesiqalar toplanıla, ve Ukraina Rusiye Federatsiyasına qarşı mahkeme davasını açtıracaq ola.
