Novorossiysk limanında Qırımğa yük maşinalarnı keçirgen «Poseydon Ekspress» paromını beklegen yük maşinalarınıñ uzun bir nevbeti tizildi.
Qırım.Aqiqat mühbirine aydavcılardan biri bergen malümatqa köre, o, dört kün devamında paromnı bekley, resmiyleştirüv ve yüklev ise tahminen 18 saat devam ete.
«Parom üç künde bir kere yüre. Qoşma parom olacağını vade eteler, lâkin şimdilik bu qadarlıq», – dep ayttı yük maşinasınıñ aydavcısı.
«Poseydon Ekspress» yük paromı mayıs 1-den başlap çalışa. Böyle etip, artıq yalıñız yolcularnı keçirgen Keriç parom keçitini boşatacaq oldılar. Endiden soñ buyük maşinaları Novorossiyskke kelip çıqalar, andan ise «Poseydon» vastasınen Kefe limanına yol alalar. Paromnıñ yol vaqtı eñ azından doquz saat devam ete.
Paromğa tahminen yüz dane yük maşinası sığa.
Qırım taşımalarınen oğraşqan «Yekâne naqliyat müdirligi» parom aqqında malümat onıñ resmiy saytında olacağını bildirdi. Lâkin alâ daa paromdaki nevbet aqqında malümat yoq.
İqtisadiyatçılarnıñ malümatına köre, taşıycılarnıñ Novorossiyskten kelip çıqmaq mecbur olğanlarından sebep, Qırımğa mallar ketirilmesinen oğraşqan şirketlerniñ masrafları eñ azından 10%-ğa arttı.
Qırım.Aqiqat mühbirine aydavcılardan biri bergen malümatqa köre, o, dört kün devamında paromnı bekley, resmiyleştirüv ve yüklev ise tahminen 18 saat devam ete.
«Parom üç künde bir kere yüre. Qoşma parom olacağını vade eteler, lâkin şimdilik bu qadarlıq», – dep ayttı yük maşinasınıñ aydavcısı.
«Poseydon Ekspress» yük paromı mayıs 1-den başlap çalışa. Böyle etip, artıq yalıñız yolcularnı keçirgen Keriç parom keçitini boşatacaq oldılar. Endiden soñ buyük maşinaları Novorossiyskke kelip çıqalar, andan ise «Poseydon» vastasınen Kefe limanına yol alalar. Paromnıñ yol vaqtı eñ azından doquz saat devam ete.
Paromğa tahminen yüz dane yük maşinası sığa.
Qırım taşımalarınen oğraşqan «Yekâne naqliyat müdirligi» parom aqqında malümat onıñ resmiy saytında olacağını bildirdi. Lâkin alâ daa paromdaki nevbet aqqında malümat yoq.
İqtisadiyatçılarnıñ malümatına köre, taşıycılarnıñ Novorossiyskten kelip çıqmaq mecbur olğanlarından sebep, Qırımğa mallar ketirilmesinen oğraşqan şirketlerniñ masrafları eñ azından 10%-ğa arttı.
