Zaporijjâ territorial mudafaasınıñ ayrı brigadası Zaporijjâ vilâyetiniñ Novodarivka köyü Rusiye ordusından azat etildi, dep bildirdi.
«2023 senesi iyünniñ 4-nde mudafaa operatsiyası çerçivesinde Novodarivka köyü işğalcilerden azat etildi. Duşman bir qaç kün mesken yerni kontrol altına almağa tırışsa da, muvafaqiyetsiz oldı», – dep aytıla brigadanıñ Facebook saifesinde.
Ukrayına Mudafaa nazirligi bunı resmiy şekilde daa tasdıqlamadı. Novodarivka köyü Zaporijjâ ve Donetsk vilâyetleriniñ sıñırlarında buluna.
Ukrayına silâlı quvetleri Tavrik yönelişiniñ mudafaa quvetleri spikeri Valeriy Şerşen bildirgenine köre, Zaporijjâ vilâyetiniñ Novodarovka qasabası rayonında Rusiye ordusı dambanı patlattı.
Ukrayına Mudafaa nazirligi Donetsk vilâyetiniñ Blagodatne, Neskuçnoye, Makarivka ve Storojove köyleri azat etildi, dep bildirdi.
Ukrayına prezidenti Volodımır Zelenskıy cebede qarşı ülcüm ve mudafaa areketleri yapıla, dep bildirdi. Ukrayına Mudafaa nazirligi qarşı ücüm aqqında açıq-açıq ilân etmeycekler, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
