"Tıñç deñiz" merkeziniñ volontörları Novıy Svet qasabasınıñ yalısında ölü yunus balığı tapılğanını bildire.
Merkezniñ malümatına köre, bir qaç kün evel tamam bu ığaçı yunus balığı Kapsel körfezinde (Sudaq) özüni yalığa taşlağan edi.
"O yerniñ yanında malümat tahtaları olğanına baqmadan, ayvan aqqında nne bizge, ne de FVN dispetçerlerine haber etmediler. Adamlar bilmemezlikten ayvannı teren yerge ütediler... Cesetni baqtıq: alına köre, yunus balığı deñizge çıqarılğan künde öldi", - denile beyanatta.
Göñülliler kene de hatırlattı, yunus balıqları yalığa yaraları olğanı içün çıqa.
"Yunus balığınıñ yalığa çıqmasını körseñiz, onı terenlikke ütemeñiz, öz başıñızğa iç areket etmeñiz. Böyle ayvanğa mahsus tibbiy yardım kerek", - qayd etti volontörlar.
