Link açıqlığı

Saatnıñ esas haberi

Notre Dame de Paris katedral kilsesiniñ kulâsı yanğın neticesinde eşildi (+süret, video)


Notre Dame de Paris katedral kilsesinde yanğın, aprel 15
Notre Dame de Paris katedral kilsesinde yanğın, aprel 15

Notre Dame de Paris katedral kilsesiniñ kulâsı yanğın neticesinde eşildi, dep bildire Agence France-Presse matbuatınıñ jurnalisti Patrik Geyl Twitterde.

O bunıñ videosını derc etti.

Aprelniñ 15-inde aqşam Parij merkezinde meşür Notre Dame de Paris kilsesinde yanğın cıqtı.

Yanğın sebepleri daa belli degil. Yanğınğa oğrağan adamlar içün de haber yoq.

Parij merkezinde olğan katolik kilsesi, Frenkistan paytahtınıñ timsallerinden birisi. Parij yeparhiyasınıñ katedral kilsesi. O Site adasınıñ şarqiy tarafında, şeerniñ dörtünci okrugında qurulğan edi. Bundan evel o yerde Parijniñ birinci hristian kilsesi - Muqaddes Stefannıñ bazilikası tura edi, o ise, Gall-Romalarnıñ Yupiter kilsesiniñ bina temelinde qurulğan edi. Gotik kilse Moris de Sülli Parij yepiskopınıñ teşebbüsi ile 1163-1345 seneleri qurula edi. Altar qısmı 1182 yılı muqaddesleştirildi.

XS
SM
MD
LG