Norvegiya ükümeti Kongsberg Defense and Aerospace şirketinden daa 10 uçuş aletini ve NASAMS ava mudafaası sistemasınıñ dört ateş idare merkezini satın almağa teklif etti, dep haber ete Norvegiya ükümetiniñ saytı.
''Bu, Ukrayinağa berilgen donatmalarnıñ satın alınmasına qoşula. Yatırımlar 3,45 milliard Norvegiya kronası (300 milliondan ziyade euro) teşkil ete'', dep aytıla haberde.
''Norvegiyanıñ NASAMS sisteması ukrayinlerniñ ayatını qurtarıp, bina ve infrastrukturanıñ yoq etilmesini toqtatmaqta. Aynı zamanda, öz mudafaamız içün ava mudafaasını eñ yaqın vaqıtta azırlamaqtan qasevet etem", - dedi Norvegiyanıñ mudafaa naziri Bjorn Arild Gramm.
NASAMS - Norvegiyanıñ Norwegian Kongsberg şirketi ve Amerika Raytheon şirketi tarafından işlep çıqarılğan orta radiuslı norvegiya zenit raketa kompleksi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
