Norveç parlament azaları Hristian-demokratik fırqasınıñ lideri Olaug Büllestad ve Konservativ fırqasınıñ temsilcisi Horek Elvenes Belarus prezidenti vazifesine sabıq namzet Svetlana Tihanovskayanı 2020 Nobel sulh mukâfatına namzet etip kösterdiler. Bunıñ aqqında keçende Tihanovskayanıñ mesleatçısı Franak Vak Twiterde yazdı.
Onıñ sözlerine köre, bu azatlıq oğrunda küreşni devam ettirgen bütün bularuslarnıñ tanılmasıdır.
Evel 2021 Nobel sulh mukâfatına Tihanovskayanı Litvaniya prezidenti Gitanas Nauseda namzet etip köstergen edi. Bundan evel Tihanovskayanı ve onıñ safdaşları Mariya Kölesnikova ve Veronika Tsepkalonı mukâfatqa Norveç Hristian-demokratik fırqasınıñ azası Geyr Toskedal namzet etip kösterdi.
2021 senesi Sulh mukâfatına 329 namzet kösterildi: 234 insan ve 95 teşkilât.
