NORSAR Norveç institutınıñ tedqiqatçıları Kahovka suv elektrik stantsiyasınıñ dağılğanı kün regional stantsiyalardan kelgen seysmik signallar ile bağlı malümatnı talil ettiler. Bunıñ aqqında institutnıñ saytında haber etile.
Malümat iyünniñ 6-nda salı künü yerli vaqıtnen 2:54-te (Norveç vaqtı ile saat 01:54-te) açıq-aydı signallarnı köstere. Signallarnıñ vaqtı ve yeri bentniñ yoq etilüvi ile bağlı medianıñ malümatına uyğun kele.
"Signallar paltavnıñ yüz bergenini köstere. Şiddeti 1-den 2-ge qadar", - dep yazıla NORSAR esabatında.
Tedqiqatçılar felâketniñ merkezinden 620 km uzaqlıqta olğan BURAR ölçü stantsiyasınıñ malümatına atfı ete.
İyünniñ 6-nda saba Rusiye Herson vilâyetinde Kahovka suv elektrik stantsiyasını patlattı, dep bildirdi Ukrayina arbiyleri.
Ukrayına prezidenti ofisiniñ yolbaşçısı Andriy Yermak Kahovka Kahovka suv elektrik stantsiyası bentiniñ bozuluvı Qırımnı içilgen suvsız qaldıra bile, dep bildirdi. Mesleatçısı Mıhaylo Podolâk patlatuvnı Rusiye Silâlı quvetleriniñ 205-inci motor atıcı brigadası yaptı, dep tahmin etti.
Ukrayina milliy telükesizlik ve mudafaa şurasınıñ kâtibi Oleksiy Danılov Kahovka Kahovka suv elektrik stantsiyasınıñ patlatıluvı «Rusiye istilâsınıñ yañı basamağı» ola, dep bildirdi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d2a3ebzji45ji0.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
