Fevqulâde vaziyet boyunca devlet hızmetiniñ qurtarıcıları Nikolayevde patlağan beş qatlı evde qadınnıñ cesetini tapqanlar.
Fevqulâde vaziyet boyunca devlet hızmetiniñ baş idaresiniñ matbuat hızmetinde qayd etkenleri kibi, cesetni şimdilik daa çıqarıp olamaylar. Elâk olğan qadınnıñ şahısı belgilenmekte.
Şimdilik olğan malümatqa köre, o, №18 kvartira saibi, 1964 senesi doğğan qadındır, dep bildire Azatlıq Radiosı.
Malüm olğanı kibi, patlav bugün saba yüz berdi. Onıñ sebebi maişiy gaznıñ çıquvı ola bile.
Qurtarıcılar 54 insannı tahliye ettiler. Qaza-qurtarıcı işler devam etmekte.
Soñki ay içinde bu endi ekinci patlavdır. Mayıs 12 künü olğan facia neticesinde yedi insan elâk oldı.
Fevqulâde vaziyet boyunca devlet hızmetiniñ baş idaresiniñ matbuat hızmetinde qayd etkenleri kibi, cesetni şimdilik daa çıqarıp olamaylar. Elâk olğan qadınnıñ şahısı belgilenmekte.
Şimdilik olğan malümatqa köre, o, №18 kvartira saibi, 1964 senesi doğğan qadındır, dep bildire Azatlıq Radiosı.
Malüm olğanı kibi, patlav bugün saba yüz berdi. Onıñ sebebi maişiy gaznıñ çıquvı ola bile.
Qurtarıcılar 54 insannı tahliye ettiler. Qaza-qurtarıcı işler devam etmekte.
Soñki ay içinde bu endi ekinci patlavdır. Mayıs 12 künü olğan facia neticesinde yedi insan elâk oldı.
