Nikita nebatat bağçasında baarde, “lâle numayışı” vaqtında yüz biñge qadar lâle çiçegi açacaq. Bu aqta bağça müdiri Yuriy Plugatar bildirdi.
“Bu yıl baarde lâle sergisinde yüz biñ çiçek açacaq. Amma men tek sayısına baqıp, qıymet kesmez edim. Nikita bağçasında 1812 senesinden başlaplâle toplamı, diqqatnen toplanılıp saqlanıla, ve musafirlerimizge 247 türlü lâleni köstermege acayip fırsatımız bar. Bu, kerçekten, dünyanıñ eñ güzel zemaneviy ve eskiden qalğan lâle türleridir. Olardan beşini Nikita nebatat bağçasınıñ işçileri saylap, aşılap, östürip çıqardı. Bundan ğayrı, çetel selektsiyasınıñ birden 96 türüni taqdim etecekmiz”, - Plugatarniñ sözlerinden yaza bağçanıñ matbuat hızmeti.
2016 senesi baar sergisinde 37 biñ çiçek saçılğanı bildirile, 2017 senesi ise bu raqam ekiden ziyade kere çoqlaştı - 73 biñ, 2018 senesinde - 85 biñ çiçek saçıldı.
Nikita nebatat bağçasınıñ sergisinde 73 biñ lâle taqdim etildi
2/13Nikita nebatat bağçasınıñ ilmiy kollektsiyası çetel ve ülke kollektsiyalarınıñ 502 cınsından ibaret olıp, 14 bağça sınıfı ve şu cümleden ilk sade, ilk qatmerli, triumf-lâleler, Darvin hibridleri, keç sade, papağan tarzlı, püskülli ve diger sınıflarını taqdim ete
