Nikita nebatat bağçası, kollektsiya sergisinde kün zanbağı çeçeginiñ 100-den ziyade çeşitini numayış etti, olar iyülniñ başında açıp başlaycaq. Bu aqta nebatat bağçasınıñ matbuat hızmeti bildirmekte.
"Kün zanbağı çaçeginiñ numayışı Nikita nebatat bağçasında birinci yıllardan berli yapıla. Birden 110 çeşitni köstermek içün, bayağı zamet kerek - ilmiy hadimlerniñ de, bahçivanlarnıñ da. Kollektsiyamızda er bağça gruppasından örnek bar: cüce ve küçük çeçekli soylarından - yüksek ve "gigant" soylarınace", - dey Nikita nebatat bağçasınıñ müdiri Yuriy Plugatar.
Kün zanbağınıñ sergisi avgustnıñ ortasınace yapılacaq, dep bildirile.
Nikita nebatat bağçası 1812 senesinde cenübiy yalıdaki Nikita köyünde tesis etilgen edi. Onıñ territoriyasında türlü ösümliklerniñ yüzlerce çeşiti öse, kaktuslar oranjereyası ve küçük bir bambuk ormanı bulunalar. Bağçanıñ territoriyasında er yıl küz çiçeginiñ oyun aqşamı, lâleler, güller, susamlar, kün güzeli çiçekleri ve sarmaşıqlarnıñ sergileri ötkerile.
