Nikita nebatat bağçasında iyün 5-inde “Güller valsi” sergisi açılacaq ola. Bu aqta şeerniñ matbuat hızmeti bildirmekte.
“Bu yıl bağça içün müim bir yıldır, çünki doğru 195 yıl evel, 1824-ünci senesi bağça güllerniñ selektsiyası başlanğan edi. Ondan berli bağça alimleri 300-ge yaqın gül çeşitlerini yarattı, olardan kimerisi dünyaca belli oldı, “Klimentina”, “Mercan sürprizi”, “Ala hayal” (“Pöstraya fantaziya”) İtaliya ve Almaniyada halqara yarışlarda büyük mükâfatlarğa nail oldı”, - dep yatıp berdi bağçanıñ müdiri Yuriy Plugatar.
O, üç yıldan berli Nikita nebatat bağçasını işletip çıqarğan gül çeşitlerini numayış etmek içün ayrı meydançıq ayırılğanını, qoştı.
Nikita nebatat bağçası 1812 senesinde cenübiy yalıdaki Nikita köyünde tesis etilgen edi. Onıñ territoriyasında türlü ösümliklerniñ yüzlerce çeşiti öse, kaktuslar oranjereyası ve küçük bir bambuk ormanı bulunalar. Bağçanıñ territoriyasında er yıl küz çiçeginiñ oyun aqşamı, lâleler, güller, susamlar, kün güzeli çiçekleri ve sarmaşıqlarnıñ sergileri ötkerile.
