Link açıqlığı

Saatnıñ esas haberi

Qarasuvbazar yanında cip uçurımdan aşağa tüşti: üç adam elâk oldı


Qarasuvbazarnıñ (Belogorsk) yanında maşna uçurımdan tüşkeni neticesinde üç adam elâk oldı ve daa ekisi yaralandı. Bunıñ aqqında Rusiye İİN-niñ (İçki işler nazirligi) matbuat hızmeti haber etti.

“Cip aydayıcısı, Qarasuvbazar-Üsküt yolundan ketip, taşıt yolu sıñırından çıqtı ve maşna uçurımdan aşağa tüşti. Yol qazası neticesinde üç adam elâk oldı, daa ekisi yaralandı”, - haber ettiler müessisede.

Polisniñ malümatına köre, yol qazasınıñ sebeplerini ekspertler tahqiq ete.

Bir kün evel Kefe (Feodossiya) - Keriç yolunda avgustnıñ 12-sinde saba eki yol qazası olıp keçti, olarnıñ neticesinde bir adam elâk oldı, daa 14 adam yaralandı.

İyülniñ soñunda Kefe yanında yengil maşna ve mikroavtobusnıñ uruşqanı neticesinde sekiz adam zarar kördi.

XS
SM
MD
LG