Yalta şeeriniñ Primorskiy plâjında tapılğan Ekinci Cian Cenkinden qalğan 240 kilolıq minanıñ patlatılması iyülniñ 2-sini planlaştırıla. Bunı matbuat hızmeti işğalcı şeer memuriyetiniñ baş muavini Stanislav Şaportovnıñ sözlerine esaslanıp haber etti.
“Mütehassıslar, tapılğan lenger minası alı belli olmağan galvanik darbeli patlatqıçnen donatılğanını tesbit etti” dep Stanislav Şaportov haber etti.
Minasızlaştırmaqnen rus Qaradeñiz flotınıñ mütehassısları oğraşacaq.
Bir kün evel Yaltada deñizde mina tapılğanı sebebinden Primorskiy plâjı yarınğa qadar qapatılğanı bildirilgen edi.
Qırım ve Aqyarda Ekinci Cian Cenki zamanından qalğan snarâdlar sıq-sıq tapıla.Yarımadada minasızlaştırmaqnen oğraşqan taqımlar çalışmaqta.
İyülniñ 18-ine “Tavrida” yolunıñ qurulış qısmında “Berkut” müendislik-tehnik gruppası Ekinci Cian cenkinden qalğan arbiy yedeklerni yoq etken edi.
