Link açıqlığı

Saatnıñ esas haberi

Sentsovnıñ qız qardaşı, onıñ açlıq tutqan vaqtındaki alı aqqında ikâye etti


Oleg Sentsov
Oleg Sentsov

Rusiye apishanesinde açlıq tutqan Qırım sakini, Ukraina rejissörı Oleg Sentsovnıñ alı stabil. Bunı onıñ qız qardaşı Natalya Kaplan «112. Ukraina» telekanalınıñ efirinde söyledi, dep bildire Azatlıq Radiosı.

O: «Şimdi Olegnıñ alı stabil, yani ne yahşı, ne de yaman», – dedi.

Mevzuğa dair: Oleg Sentsov – sert rejimli koloniyada 20 yıl. Ayşe Umerova Qırım rejissörınıñ ayatı ve faciası aqqında

Ukraina Yuqarı Radasınıñ İnsan aqları boyunca vekili Lüdmila Denisovanıñ ofisinde, onıñ Halqara qırmızı haç komitetine, Rusiye apishanelerinde zornen tutulğan Ukraina vatandaşları Oleg Sentsov, Aleksandr Kolçenko ve Rusiye ile Qırımdaki diger siyasiy mabüslerde olğan aqlarnıñ kütülmesini teşkermek ricası ile muracaat etkenni bildirdiler.

Mayıs 16-da, Sentsovnıñ, Rusiye apishanelerinde bulunğan bütün Ukraina siyasiy mabüslerini azat etmek talabınen muddetsiz açlıq ilân etkeni belli oldı.

AQŞnıñ Ukrainadaki elçiligi Sentsovğa qol tutqanını bildirdi ve onı azat etmege davet ete.

Sentsov ve Kolçenko Rusiye mahsus hizmetleriniñ vekilleri tarafından Qırımda 2014 senesiniñ mayısında, yarımadada terroristik aktlar azırlağanlarında qabaatlanıp, yaqalandılar. 2015 senesiniñ ağustosında Rostov-na-Donu şeerindeki Şimaliy Kavkaz okrugınıñ arbiy mahkemesi Sentsovnı, Qırım territoriyasındaki terroristik faaliyette qabaatlap, sert rejimli koloniyada 20 yılğa mahküm etti. Kolçenkoğa 10 yıl koloniya berildi. Ekisi de qabaatlarını tanımadı.

XS
SM
MD
LG