Link açıqlığı

Saatnıñ esas haberi

İqtisadiyat noqtai-nazarından maqsatqa uyğun olsa, Rusiye Ukraina üzerinden gaz tranzitini qapatmaq niyetinde degil. Bunı Rusiye prezidenti Vladimir Putin Sankt-Peterburgda söyledi.

Putin: «Men endi aytqan edim ve bir kere daa tekrarlay bilem: iqtisadiyat noqtai-nazarından maqsatqa uyğun olsa, biz Ukraina üzerinden tranzitni qapatmaq niyetinde degilmiz. Biz Ukrainadaki ortaqlarımıznen muzakerelerge azırmız», – dedi.

Onıñ aytqanına köre, Rusiye, «Şimaliy aqım-2» gaz hattınıñ qurulması leyhasını Ukrainanı çetten aylanıp keçmek içün degil de, Avropada öz gaz çıqarılmasınıñ yetişmezligini qapatmaq içün ömürge keçire.

«Şimaliy aqım-2» (Nord Stream-2) leyhası gaznı Rusiyeniñ şimalindeki yataqlardan, Ukraina ve Poloniyadan keçken ananeviy tranzit marşrutlarını çette qaldırıp, Baltıq deñizniñ tübünden doğrudan Almaniyağa alıp barıp teslim etecek. Leyha, artıq qurulğan birinci «Şimaliy aqım»nıñ imkânlarını kenişletecek.

Avropa komissiyasında, «Şimaliy aqım-2»niñ qurulması taqdirde şeffaflıq, diskriminatsiyanıñ olmaması ve musaviy irişüv printsipleri bozulacaq, dep bildirdiler.

XS
SM
MD
LG