Link açıqlığı

Saatnıñ esas haberi

Ukraina aq-uquq qorçalayıcıları AQŞ Devlet departamentine Ukraina rejissörı Oleg Sentsov ve ukrain faaliyetçisi Volodımır Baluhnıñ taqip etilmesine alâqaları olğan şahıslarnıñ cedvelini berdiler.

Bunı Facebookta İnsan aqları boyunca malümat merkeziniñ başlığı Tatyana Peçonçik bildirdi.

Onıñ aytqanına köre, ondan ğayrı, Rusiyede mahküm etilgen Qırım sakini Aleksandr Kolçenko ve diger siyasiy mabüslerniñ işleri boyunca şahıslar cedvelleri berildi.

Bildirüvde: «Er körüşüvde Qırımda soñki tevqifler ve yaqalanuvlarnı – «Qırım birdemligi» faaliyetçisi Server Mustafayev ve qırımtatar, musulman Edem Smailovnı, vatandaş jurnalisti Nariman Memedeminovnıñ tevqif etilmesini ve Aqyardaki ukrain faaliyetçisi İgor Movenkoğa dair eki yıl apishane ukmüni aña edik. Oleg Sentsov ve Volodımır Baluhnıñ açlıqları aqqında ikâye etip, Kremlniñ reinlerini azat etmek içün Rusiyege tazyiq etmege davet ete edik», – denile.

Mayıs 16-da, Sentsovnıñ, Rusiye apishanelerinde bulunğan bütün Ukraina siyasiy mabüslerni azat etmek talabınen muddetsiz açlıq ilân etkeni belli oldı.

Baluh, özü uydurmalardır degen mahkeme taqiplerine narazılıq bildirip, 2018 senesi mart 19-da ilân etken muddetsiz açlıqnı tutmağa devam ete.

Ukraina prezidenti Petro Poroşenko qanunsız olaraq apishanelerde tutulğan Ukraina vatandaşlarınıñ eñ qısqa vaqıtta azat etilmesi içün halqara toplulığını Rusiyege tazyiqnı devam etmege davet etti.

Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini taqbih ettiler. Ğarp ülkeleri bir sıra iqtisadiy sanktsiyalarnı qullandı. Rusiye, yarımadanı işğal etkenini red etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevral 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG