«Ukrgidroproyekt» aktsiyalı şirketi, muessisede Or (Perekop) keçitinden keçecek ve sanki Qırımnı Ukrainanıñ qıtadaki qısmından tolusınen yaıracaq olğan gemiler yürgen kanalnıñ quruluvı leyhası üstünde çalışqanını red ete. Bu hususta «Ukrgidroproyekt»niñ Qırım.Aqiqat tarafından malümat talabına bergen resmiy cevabında aytıla.
Ondan ğayrı muessisede, Qırım ve Rusiye KHVlerinde bu leyhada iştirak ete dep kösterilgen baş muendis Tatyana Lunina, «Ukrgidroproyekt»te iç bir vaqıt çalışmadı, dep iddia eteler.
Vesiqada: « «Ukrgidroproyekt»niñ bu leyhağa iç bir alâqası yoq. Tatyana Lunina adlı baş muendis bizde iç bir vaqıt çalışmadı», – denile.
Qırımnıñ Rusiyege tabi ukümetine yaqın olğan «Krıminform» neşiri, adları bildirilmegen Ukraina KHVlerine atıfta bulunıp, «Ukragidroproyekt»niñ baş muendisi olaraq kösterilgen Tatyana Luninanıñ, Qırımnı Ukrainanıñ qıtadaki qısmından «tolusınen ayıracaq» Or keçiti üstünden gemiler yürgen kanalnıñ quruluvı leyhasınıñ işlep çıqılğanı aqqında sözlerini naqil ete. Qırım neşiri böyle bir derc etilgen materiallarğa atıflar bermey.
