Link açıqlığı

Saatnıñ esas haberi

Ukrain faaliyetçisi Qırım tahqiqat izolâtorında muddetsiz açlıqnı tutmağa devam ete – advokat


Volodımır Baluh mahkemede
Volodımır Baluh mahkemede

Ukrain faaliyetçisi Volodımır Baluh, mart 19-da Aqmescitniñ tahqiqat izolâtorında ilân etken muddetsiz açlıqnı toqtatmamaq niyetinde. Bunı mayıs 24-te Qırım.Aqiqat muhbirine Baluhnıñ advokatı Dmitriy Dinze bildirdi.

Advokat, Baluhnıñ açlıq formatını deñiştirmek ve cılap kiselini içmege başlamaq mecbur olğanını tasdiqladı. Baluhnıñ öz beyanatına binaen, o, cemiyet qorçalayıcısı arhiyepiskop Klimentnen aqıl tanışqan soñ «zornen aşatmalarına maksimal şekilde imkân bermemek içün» bunı yaptı.

Advokat: «Baluh biraz başqa rejimde açlıq tuta, o kisel içe. Advokat olaraq, bu yahşıdır, deycegim. Buña baqmadan o, açlıqtan vazgeçmek niyetinde degil», – dedi.

Volodımır Baluh, özü uydurmalardır degen, mahkeme taqipleri ile razı olmağanı içün mart 19-da ilân etken muddetsiz açlıqnı tutmağa devam ete.

Mevzuğa dair: Volodımır Baluh: «sıfır işaretinde» muvazene tutuv

Qırımda mahkeme Baluhnı, arbiy yedekler saqlağanında qabaatlı tanıp, 3 yıl ve 5 ayğa koloniya-qasabada azatlıqtan marum etilmesi ve, ondan ğayrı, 10 000 ruble (qararnen 4600 hrivna) miqdarında cöreme tölemesine dair uküm çıqardı.

Faaliyetçige qarşı ekinci cinaiy iş Aqşeyh (Razdolnoye) qasabasındaki muvaqqat tutuluv izolâtorınıñ rehberi Valeriy Tkaçenkonıñ arizası esasında açıldı. O, Baluh onı kötekledi, dep iddia ete. Aynı zamanda faaliyetçi ve onıñ imayesi, Tkaçenko özü oña ucüm etkenini bildireler.

Rusiye FSBsi Volodımır Baluhnı 2016 senesi dekabr 8-de yaqaladı. FSB hadimleri Volodımır Baluh yaşağan evniñ tavanında 90 patron ile bir qaç trotil şaşkasını taptılar, dep iddia ete ediler.

Baluhnıñ imayesi ve aq-uquq qorçalayıcıları, onıñ Ukraina vatanperveri olğanı sebebinden – eviniñ azbarında Ukraina bayrağı olğanı içün repressiyalar qurbanı olğanını iddia eteler.

XS
SM
MD
LG