Link açıqlığı

Saatnıñ esas haberi

Çubarov BMT ve ATETni, Ervin İbragimovnıñ alıp qaçılmasınıñ tahqiq etilmesi içün çareler körmege davet etti


Refat Çubarov
Refat Çubarov

Qırımtatar Milliy Meclisiniñ reisi Refat Çubarov, Bağçasaray bölgesi Meclisiniñ azası Ervin İbragimovnıñ alıp qaçılmasına dair bütün şarlarnıñ effektiv surette tahqiq etilmesi ve qabaatlı olğanlarnıñ mesüliyetke çekilmesi içün zarur olğan bütün çarelerni körmek daveti ile halqara teşkilâtlarğa – BMT, ATET (Avropada telükesizlik ve emekdaşlıq teşkilâtı) ve Avropa Şurasına muracaat ete.

Bu hususta İbragimovnıñ alıp qaçılmasına eki yıl toluvı munasebeti ile yapılğan Çubarovnıñ beyanatında aytıla.

Beyanatnıñ metninde: «O künden soñ tamam eki yıldan berli Rusiye işğalcı ukümeti bu cinayetni işlegenlerni ve Ervinniñ özüni tapmaq ve qabaatlı olğanlarnı mesüliyetke çekmek içün bir şey yapmaq istemegenini açıqtan numayış ete. Ervin İbragimovnıñ babası ile anası, qırımtatar, ukrain ve dünya toplulığı tarafından defalarca yapılğan muracaatlarğa ve halqara teşkilâtlarnıñ qararları ve muracaatlarına baqmadan, Qırımdaki işğalcı ukümet organları tahqiqatnıñ imitatsiyası ile sıñırlanalar», – denile.

Çubarov: «Devletler ve halqara teşkilâtlarınıñ liderlerini, Rusiyeni halqara uquqnıñ sıñırları içine qaytmağa mecbur etmek içün bütün çarelerini körmege davet etemiz», – dep ilâve etti.

2016 senesiniñ mayısında Bağçasarayda belli olmağan şahıslar Dünya Qırımtatar Kongressi icra komitetiniñ azası Ervin İbragimovnı alıp qaçtılar. Videoközetüv kamerası, Rusiye yol inspektorları uniformasını kiygen eki kişiniñ, İbragimovnıñ maşinasını toqtatıp, özüni öz mikroavtobuslarına zornen kirsetkenlerini qayd etti.

Qırım insan aqlarını qorçalav gruppası, bu alıp qaçuvnıñ Rusiye ukümeti ya da onıñ kontroli altında olğan paramilitar gruppalar tarafından kerçekleştirilgenini tahmin ete.

Daa evel Rusiyeniñ kontroli altında olğan Qırım mahkemeleri Qırım advokatı Emil Kurbedinovnıñ, Ervin İbragimovnıñ alıp qaçılması aqqında iş boyunca malümat talap etkenine dair şikâyetlerini red ettiler

XS
SM
MD
LG