Link açıqlığı

Saatnıñ esas haberi

Vaşingtondaki Ukraina elçiliginde «Kremlniñ esirleri» (original adı «Brantsi Kremlâ») filmi kösterildi. Bunı mayıs 23-te Ukraina informatsion siyaseti naziriniñ birinci muavini Emine Ceppar Facebookta bildire.

Ceppar: «Film, siyasiy repressiyalarnıñ qurbanı olğan insannıñ duyğuları, eyecanları aqqında. Kreml mabüsleriniñ aqrabaları ve yaqınlarınıñ duyğuları aqqında. Ağrı, işkenceler, aşalamalar, menlikniñ öldürilmesi, insanlarğa iç kelişmegen şaraitler – bular, aman-aman yetmiş vicdan mahküminiñ işğal etilgen Qırımda ve ukrainlerniñ Rusiye mahkemelerinde başından keçirgen şeylerdir. Bu, böyle şaraitlerge tüşken episiniñ başından keçirecek şeylerdir. Amma bundan keçmek ve içindeki İnsannı saqlap qalmaq – bunı er kes yapamaz edi», – dep yazdı.

Film Ukraina informatsion siyaset nazirliginiñ sımarışı ile UA:TV telekanalı tarafından azırlandı.

Ukrainanıñ «Kremlniñ esirleri» (original adı «Brantsi Kremlâ») filmi fevral 26-da Kyivde «İşğal etilgen Qırım: muqavemetniñ dört yılı» halqara forumında taqdim etildi.

Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini taqbih ettiler. Ğarp ülkeleri bir sıra iqtisadiy sanktsiyalarnı qullandı. Rusiye, yarımadanı işğal etkenini red etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevral 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG