Mayıs 13-te Qırımda 1944 senesinde qırımtatarlarnıñ sürgün etilmesi esnasında elâk olğanarnıñ hatırasına Çatırdağğa ananeviy çıquv yapıldı. Qırım.Aqiqat muhbiriniñ bildirgenine köre, çıquvda qararnen bir buçuq biñ kişi iştirak etti.
Tedbir iştirakleriniñ fikrine köre, olarnıñ baş maqsadı – dağğa köterilmek ve böylelikle sürgün etilüv vaqtında elâk olğanlarğa sayğı köstermektir. Bir çoqlarnıñ qolunda, üstüne qara şeritler bağlanğan qırımtatar bayraqları bar edi.
Dağnıñ töpesinde dua keçirilip, namaz qılındı.
Mayıs 18-de Ukrainada Qırımtatar halqınıñ sürgün etilüvi kününe bağışlanğan hatıra tedbirleri planlaştırıldı. Er yıl bu künde 1944 senesiniñ facialı vaqialarını hatırlaylar. O vaqıt tamır halqı yarımadadan Orta Asiyağa sürgün etildi. Umumen 180 biñden ziyade kişi sürgün etildi. Ukrainada qırımtatar halqınıñ sürgün etilmesi genotsid olaraq tanıldı.
