Link açıqlığı

Saatnıñ esas haberi

Ukraina prezidenti Petro Poroşenko, Sloveniya prezidenti Borut Pahor ile körüşüvi esnasında Rusiye tarafından ilhaq etilgen Qırımdaki vaziyetniñ muzakere etilgenini bildirdi. Bunıñ arfesinde bunı, Ukraina devlet başlığınıñ matbuat hizmeti bildirdi.

Poroşenko, Sloveniya prezidenti ile muzakereleriniñ neticeleri boyunca jurnalistlernen körüşüvi esnasında: «Qırımdaki vaziyetni muzakere etkende, Rusiye tarafından Ukrainağa ait territoriyanıñ vaqtınca işğal etilmesi halqara uquqnıñ ciddiy bozuluvı ola, dep daa bir kere tasdiqladıq. Ve minnetdar olğanımıznı, em de Sloveniyanıñ noqtai-nazarına yüksek qıymet keskenimizni ayrıca qayd etmek isteyim», – dedi.

Öz nevbetinde Sloveniya prezidentiniñ matbuat hizmeti mayıs 11-de Poroşenko ile körüşüvinden soñ: «Pahor, Sloveniyanıñ Rusiye tarafından Qırımnıñ ilhaqı halqara uquqnıñ bozuluvı olğanına dair noqtai-nazarını tasdiqladı. – Sloveniya Ukrainanıñ dünya tarafından tanılğan sıñırları içinde topraq bütünligi ve suverenitetine qol tutmağa devam etecek», – dep bildirdi.

Halqara teşkilâtlar Qırımnıñ işğali ve ilhaqını qanunsız tanıp, Rusiyeniñ areketlerini taqbih ettiler. Ğarp ülkeleri bir sıra iqtisadiy sanktsiyalarnı tatbiq etti. Rusiye, yarımadanı işğal etkenini red etip, buña «tarihiy adaletniñ tiklenüvi», dey. Ukrainanıñ Yuqarı Radası 2014 senesi fevral 20 kününi, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG