Link açıqlığı

Saatnıñ esas haberi

Qırımda raatlanğan ukrainalılar içün turistik alım tatbiq etmekni teklif eteler


İlhaq etilgen Qırımda raatlanğan ukrainalılar içün turistik alım tatbiq etmekni teklif etile. Munasip arzual Ukraina prezidentiniñ saytında aprel 27-de qayd etildi.

Arzualnıñ muellifi, Qırımda iqamet qaydı olmağan Ukraina vatandaşlarına Qırımnı ziyaret etkenleri içün mahsus turistik alım töletmekni teklif ete.

Al-azırda baqılması içün kerek olğan 25000-den 13 kişi arzualğa qol tuttı.

Ukrainanıñ cariy olğan qanunlarına binaen, turistik alımlardan kelgen paralar yerli bücetlerge yollanıla.

Alımlarnı, memuriy-territorial birlemge kelgen ve üzerlerine turistik alım aqqında qararnıñ işlemesi kenişletilgen Ukraina vatandaşları, ecnebiyler ve vatandaşlıqları olmağan şahıslar töleyler.

Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini taqbih ettiler. Ğarp ülkeleri bir sıra iqtisadiy sanktsiyalarnı qullandı. Rusiye, yarımadanı işğal etkenini red etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevral 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG