Link açıqlığı

Saatnıñ esas haberi

Merkel Tramp ile körüşüvinden soñ: Ukrainadaki adiselerni öz adınen añmaq kerek


Angela Merkel (solda) ve Donald Tramp
Angela Merkel (solda) ve Donald Tramp

Almaniya kantsleri Angela Merkel, Rusiye ile yaman munasebetlerden kimse menfaatdar degil, lâkin Ukrainadaki kibi bütün adiselerni öz adınen añmaq kerek, dedi. Bunı «Ukrinform» agentligi bildire.

Amerika prezidenti Donald Tramp ile birlikte yapqan brifingi esnasında Merkel: «Rusiye ile yahşı munasebetlerniñ olmağanından kimse menfaatdar degil, lâkin çatışmalar, misal içün, Ukrainada nasıldır şeyler keçkeni aqqında aytılğanda, olarnı öz adlarınen añmaq kerek. Ve Ukraina kibi ülkeniñ territorial mustaqilligi printsipi pek muim ve kütülmek kerek», – dedi.

Onıñ aytqanına köre, Amerika prezidenti ile körüşüvi esnasında Rusiyeniñ, cümleden, Suriye ve Ukrainadaki vaziyetlerge qarşı siyaseti ve, ondan ğayrı, Amerikanıñ Rusiyege qarşı sanktsiyalarınıñ ihtimallı neticeleri muzakere etildi.

Merkel iş ziyareti ile AQŞta buluna.

Halqara teşkilâtlar, Qırımnıñ işğali ve ilhaqını qanunsız tanıp, Rusiyeniñ areketlerini taqbih ettiler. Ğarp ülkeleri bir sıra iqtisadiy sanktsiyalarnı qullandı. Rusiye, yarımadanı işğal etkenini red etip, buña «tarihiy adaletniñ tiklenmesi», dey. Ukrainanıñ Yuqarı Radası 2014 senesi fevral 20-ni, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti..

XS
SM
MD
LG