Link açıqlığı

Saatnıñ esas haberi

Knâzev: Qırım Muhtar Cumhuriyetiniñ devriye polisi mayıs 14-ten nevbetke turacaq (+ video)


Ukraina Milliy polisiniñ rehberi Sergey Knâzev
Ukraina Milliy polisiniñ rehberi Sergey Knâzev

Qırım Muhtar Cumhuriyeti ve Aqyarnıñ devriye polisi mayıs 14-ten başlap ilhaq etilgen yarımada ile Ukrainanıñ qıtadaki qısmı arasında memuriy sıñırda nevbetke turacaq. Bunı Ukraina Milliy polisniñ rehberi Sergey Knâzev Kyivdeki matbuat konferentsiyasında bildirdi.

Knâzev: «Mayıs 14-ten devriyesiler üç noqtada nevbetke turacaqlar. Böyle çarelerniñ körülmesi kelgen hainler içün kirişni qapatacaq, yaqalanğanlarnıñ sayısı qat-qat artacaq. Biz hainler cedvelini faal surette tamamlaymız ve memuriy sıñırnı keçkende muqayt olmaq kerekligi aqqında aytqan sahte nazirliklerdeki memurlanıñ buña munasebetini köremiz», – dedi.

Набор начат. В патрульной полиции АР Крым будут служить 60 человек (видео)
Bekleñiz, lütfen

No media source currently available

0:00 0:02:16 0:00

O, al-azırda erkânında 60 kişi çalışacaq, lâkin bu raqam artmaq mümkün, dep añlattı.

Milliy polis başlığı: «İhtiyat çarelerini quvetleştirecek olğanlar tamam devriyecilerdir. Biz Qırım sakinleriniñ aqlarını qorçalaycaqmız. Bizim insanlarımız sıñırnı keçkennen ariza bere bilecek, poliske muracaat ete bilecekler», – dedi.

Ukraina İİNiniñ QMCdeki Baş idaresi 2015 senesinde ğayrıdan meydanğa ketirilip, Odessada çalışıp başladı. Milliy polisniñ Qırım Muhtar Cumhuriyeti ve Aqyardaki Baş idaresiniñ rehberi vazifesine Anatoliy Bahçivanci tayin etildi.

2014 senesiniñ başında Qırım Rusiye tarafından ilhaq etilgen soñ Ukrainanıñ qıtadaki qısmı ile yarımada arasında şeklen memuriy, lâkin kerçekte aqiqiy olğan sıñır keçti. Herson vilâyetinde Qırım ile memuriy sıñırda üç kiriş/çıqış kontrol noqtası çalışa – «Kalançak», «Çonğar» ve «Çaplinka».

XS
SM
MD
LG