Link açıqlığı

Saatnıñ esas haberi

QMC polisi yarımadanıñ ilhaqı içün qararnen 6 biñ kişiniñ qıdırılmasını ilân etti


Qırım Muhtar Cumhuriyeti polisi yarımadanıñ ilhaqına alâqalı olğan qararnen 6 biñ kişiniñ qıdırılğanını ilân etti. Bunı Milliy polisniñ Qırım ve Aqyardaki baş idaresiniñ rehberi Anatoliy Bahçivanci bildirdi.

Bahçivanci: «Anda hizmet etken ve arbiy qısımlar qıtağa çıqarılğan soñ anda qalğan 5,8 biñ kişiniñ qıdırılması ilân etildi. Qırım yarımadasınıñ işğalinden keçken dört yıl içinde birinci kere qanunsız olaraq teşkil etilgen silâlı birleşmelerde iştirak etkenleriniñ cedveli tizildi. Anda 860 kişige dair malümat kirsetildi», – dep bildirdi.

Kremlniñ kontroli altında olğan Qırım ukümetiniñ malümatına köre, 2014 senesiniñ martında Qırımda 15 biñden ziyade Ukraina arbiy hadimi hizmetini Rusiye ordusında devam ettirmege niyet etti. Ukraina Baş ştabınıñ iddiasına köre, 18 biñ arbiyden qararnen 14 biñi Qırımda qaldı.

Ukrainadaki Merkeziy bölgeniñ arbiy prokuraturası, Qırımnıñ ilhaqından soñ hizmetni davam etmek içün Ukrainanıñ qıtadaki qısmına kelmegen 4 266 arbiy hadimini qıdıra.

Halqara teşkilâtlar Qırımnıñ işğali ve ilhaqını qanunsız tanıp, Rusiyeniñ areketlerini taqbih ettiler. Ğarp ülkeleri bir sıra iqtisadiy sanktsiyalarnı tatbiq etti. Rusiye, yarımadanı işğal etkenini red etip, buña «tarihiy adaletniñ tiklenüvi», dey. Ukrainanıñ Yuqarı Radası 2014 senesi fevral 20 kününi, Rusiye tarafından Qırım ve Aqyarnıñ muvaqqat işğali başlağan künü olaraq resmen ilân etti.

XS
SM
MD
LG