Link açıqlığı

Saatnıñ esas haberi

Kyiv: Seitablayevniñ «Kiborgi» filmini «2017 senesiniñ eñ yahşı filmi» olaraq tanıdılar


Kyiv metrosında «Kiborgi» filminiñ posteri, arhiv fotoresimi
Kyiv metrosında «Kiborgi» filminiñ posteri, arhiv fotoresimi

Qırımtatar asıllı Ukraina rejissörı Ahtem Seitablayevniñ «Kiborgi» filmi, Ukraina kino akademiyası tarafından berilgen «Zolota dzıga» kino mukâfatınıñ «2017 senesiniñ eñ yahşı filmi» nominatsiyasında ğalip çıqtı.

Azatlıq Radiosınıñ bildirgenine köre, «DZIDZIO Kontrabas» filmi, «eñ çoq para qazanğan 10 film» namzeti olğan «Seyircilerniñ saylavı» nominatsiyasında ğalebe qazandı.

«Zolota dzıga» – Ukrainanıñ kino saasındaki mukâfatı. O, Ukraina kinematografistlerniñ muvafaqiyetlerini 18 nominatsiya boyunca qayd ete. Bu yıl onı ekinci kere taqdim eteler.

2017 senesi dekabr 7-de rejissör Ahtem Seitablayevniñ Donetsk ava limanınıñ imayecileri aqqında «Kiborgi» filminiñ kösterilüvi başlandı. Film bediiydir, lâkin o, aqiqiy adiseler esasında çıqarıldı. Film Kyivde ve Çernihov vilâyetinde çıqarıldı. Filmniñ umumiy büceti aman-aman 48 million hrivna.

«Kiborgi» filmi, ülkede kösterilüvi esnasında toplağan para miqdarı boyunca Ukraina filmleri arasında rekord qırdı.

XS
SM
MD
LG