Keriçteki Rusiye memuriyeti, aprel 18-de terrorizmge qarşı talimlerniñ yaptırılacağını bildire ve yerli sakinlerden o künü tınçlıq saqlamaqnı rica ete.
Munasip ilân aprel 17-de şeer memuriyetiniñ saytında derc etildi.
Talimler çerçivesinde şeerde evakuatsiya boyunca tedbirlerniñ ötkerilecegi bildirile. Aynı zamanda talimlerniñ muayen yerleri bildirilmeyler.
Bildirüvde: «Evakuatsiya tedbirleriniñ ötkerilmesi ile beraber şeer obyektleriniñ terrorizmge qarşı qorçalanması boyunca talimler yaptırılacaq. Talimler munasebeti ile ealiden tınçlıqnıñ saqlanmasını rica etemiz», – denile.
2017 senesiniñ oktâbrinde Keriçniñ sakinleri İndustrialnoye avtomobil yolundaki yuqu mikrorayonında silâlı telükesizlik hadimleriniñ toplanması munasebeti ile yerli jurnalistlerge muracaat ettiler. Daa soñra, yaqın yerde bulunğan islâh etici koloniyada ötkerilgen terrorizmge qarşı talimler aqqında bildirüvler peyda oldı.
Aynıñ başında Keriçte «Keriç köprü territoriyasında terroristik ve diverson aktlarnı toqtatuv» mevzusında Rusiye FSBsi ve polis hadimleri, qurtarıcılar, arbiyler ve Rusiye gvardiyasınıñ iştiraki ile talimler yaptırıldı. Operatsiya, Keriç boğazındaki köpürniñ qurucılığı territoriyasında ötkerildi.
