Link açıqlığı

Saatnıñ esas haberi

Rusiyede Ukrainanıñ, Qırımnıñ ilhaq etilmesi içün Anayasa mahkemesiniñ azaları boyunca talabını aldılar


Rusiyede Ukrainadan, Rusiye Anayasa mahkemesi akemlerine dair uquqiy yardım etüv boyunca talap alğanlarını tasdiqladılar. Bu akemlerni, Qırımnıñ Rusiye tarafından ilhaq etilmesi esnasında Ukrainanıñ topraq bütünligi ve toqunılmazlığına qast etüvde ortaq olğanlarından şübheli sayalar.

Bunı Federatsiya Şurasınıñ Anayasa qurucılığı ve Mudafaa ve havfsızlıq komitetleriniñ birlikte ötkerilgen toplaşuvında Rusiye baş prokurorınıñ muavini Saak Karapetân bildirdi, dep yaza Rusiye kütleviy haber vastaları.

TASS agentligi: «Sözniñ tam manası ile tünevin, Rusiye Anayasa mahkemesi akemlerine – bütün akemlerge dair talap keldi. Anda olarnı devletniñ topraq bütünligine qast etüvden dolayı şübheli sayalar. Bizde Ukraina ile halqara uquqiy emekdaşlıq devam ete, lâkin iş kölemi, tabiiy ki eksildi. Ve er teslim etüv, uquqiy yardım etüv meselelerini biz ayrıca baqamız», – dep, Karapetânnıñ sölerini naqil ete.

Ukrainanıñ baş arbiy prokuraturası, Rusiye Anayasa mahkemesiniñ rehberi Valeriy Zorkin ve bu mahkemeniñ 18 akemine Qırımnıñ Rusiye tarafından ilhaqı esnasında Ukrainanıñ topraq bütünligi ve toqunılmazlığına qast etüvde ortaq olğanlarından dolayı şübheli sayılğanlarına dair bildirüvni azırladı.

Bildirüvde Ukraina Cinaiy kodeksiniñ 27-nci maddesiniñ 5-nci qısmı ve 110-nci maddesiniñ 3-nci qısmında qayd etilgen cinayet (ukümet vekilleri tarafından evelden añlaşaraq yapılğan ve ağır neticelerge ketirgen, Ukraina Anayasası tarafından tayin etilgen tertipni bozıp, Ukrainanıñ territoriyası ve devlet sıñırını deñiştirmek maqsadınen qasten yapılğan areketlerge yardım etüv) ile bağlı şübheden bahs etile.

Aprelniñ başında Gürcistannıñ teşebbüsi ile Rusiye Anayasa mahkemesi azalarınıñ Qırımnıñ ilhaqı esnasındaki areketleri, Baltıq deñizi ve Qara deñiz bölgelerindeki devletlerniñ Anayasa mahkemeleri başlıqları ve Anayasa adliyesi birleşmesi azalarınıñ iş körüşüvinde muzakere etildi.

XS
SM
MD
LG