Kremlniñ kontroli altında olğan Qırım ukümeti, Tuzla Beli adasında bulunğan 6,5 biñ kvadrat metr meydanlığındaki topraq arsasını Rusiyeniñ mülkiyetine bermek qararını aldı. Bu qarar aprel 17-de Qırım Nazirler Şurasınıñ oturışuvında alınğan edi, dep bldire Rusiye haber agentlikleri.
Topraq arsasınıñ Rusiyege berilmesini, Keriç boğazındaki köpür qurucılığınıñ sımarışçısı olğan «Taman» Rusiye avtoyollar idaresi talap ete edi
Rusiye haber agentlikleri, topraqqa mülkiyet aqqı, qabul etüv-teslim etüv aktınıñ tayin etilmesi kününden başlana.
Tuzla beli bir vaqıtları Taman yarımadası ile bağlı edi, lâkin keçken asırnıñ 1920-nci yıllarında ondan Tuzla adası ayırıldı.
2003 senesinden başlap, Ukraina ile Rusiye arasında, rusiyelilerniñ Taman yarımadası tarafından dambanı qurmaları sebebinden başlağan çatışma neticesinde Ukrainada Tuzla, rejimli zona sayıla edi.
Tuzla etrafındaki çatışma, Ukraina ile Rusiye arasındaki munasebelterde bir buhran oldı. O, Tuzla adasınıñ aitligine dair davalar ve Rusiye tarafından Keriç boğazında adağa doğru dambanıñ qurulması sebebinden başlanğan edi. Bazı talilcilerniñ fikrine köre, dambanıñ qurulmasından maqsat, Keriç boğazı ve Azav deñiziniñ statusı meselesini çezmek içün Ukrainağa tazyiq etmek edi.
