Rusiye iş adamı Arkadiy Rotenberg, «Mototrest» şirketiniñ saibi oldı. Bu şirketke daa evel, qurulmaqta olğan Keriç köprüniñ işletilmesi avale etilgen edi.
Bunıñ arfesinde bunı «Mototrest» şirketiniñ matbuat hizmeti bildirdi.
Bidirüvde berilgen malümatqa köre, A.R. Rotenbergge ait OOO «Stroyproyektholding», PAO «Mototrest»niñ 94,2% aktsiyalarına saip olğan aktsioner AO «TFK-Finans» şirketiniñ yañı saibi oldı. «PAO «Mototrest», bunı bildirgen mektüpnı alğanı aqqında haber berdi.
Aprel 10-da «Rusiyeniñ yetekçi baş tış icracısı» denilgen «Mototrest» şirketini Keriç boğazında qurulayatqan köpürniñ işletilmesi içün mesuliyetli olaraq tayin ettiler.
Naqliyat keçitiniñ işletilmesi içün bir yılda 476,8 mln ruble (qararnen 218 mln hrivna) masraf etmege planlaştıralar. Kontrakt eñ erte 2018 senesi mayıs 1-de quvetke kirecek ve 2019 senesi aprel 30-da yekünlenecek.
Açıq menbalardaki malümatqa köre, Rusiye prezidenti Vladimir Putinnen dostluq munasebetleri ile bağlı olğan Rotenberg, 2015 senesine qadar saibi olğan şirketiniñ aktsiyalarını ğayrıdan satın aldı.
Rusiye prezidenti Vladimir Putin Keriç boğazından keçit qurmaq niyeti aqqında Qırımnıñ işğalinden aman soñra, 2014 senesiniñ martında ilân etti. Köpürni 2018 senesine qadar qurmağa ve 2019 senesiniñ yazında işletüv içün açmağa vade ettiler.
Ukraina tarafı Rusiye ile köpürniñ qurulması aqqında añlaşmadan 2014 senesinde – Qırım Rusiye tarafından ilhaq etilgen soñ çıqtı.
