Nikita nebatat bağçası «Lâleler paradı»nıñ açılışı künü – aprel 13-te ressamlar içün açıq kiriş ilân etti. Bunı nebatat bağçasınıñ matbuat hizmeti bildire.
Matbuat hizmeti: «Bu – acayip anane. Biz, studentlerimiznen beraber Lâleler paradında mutlaqa iştirak etecekmiz. Mahsus çalışmaq içün, temaşacılarnı öz etüdlerimiznen quvandırmaq içün ertece, resmiy açılıştan üç-dört saat evel kelirmiz», – dep, Qırım muendislik ve pedagogika univeristetindeki Dekorativ sanat kafedrasınıñ mudiri Yelena Kotlârnıñ sözlerini naqil ete.
Qırımnıñ Cenübiy yalısında ananeviy «Lâleler paradı» keçecek. Sergide 80 biñ çiçek, 250-den ziyade lâleniñ cınsı taqdim etilecek.
Nikita nebatat bağçası 1812 senesinde cenübiy yalıdaki Nikita köyünde tesis etilgen edi. Onıñ territoriyasında türlü ösümliklerniñ yüzlerce çeşiti öse, kaktuslar oranjereyası ve küçük bir bambuk ormanı bulunalar. Bağçanıñ territoriyasında er yıl küz çiçeginiñ oyun aqşamı, lâleler, güller, susamlar, kün güzeli çiçekleri ve sarmaşıqlarnıñ sergileri ötkerile.
