Link açıqlığı

Saatnıñ esas haberi

Aprel 11-de Moskva birjasındaki satışlarnıñ açılışında yevronıñ fiyatı 80 rubleni aştı.

Kyivde saat 11:04-teki vaziyetke köre, Moskvada bir dollar içün 63,71 ve bir yevro içün 78,83 ruble bereler.

RTS fond indeksi üçünci kün ardı-sıra menfiy zonada buluna, lâkin bazar ertesi ve salı künlerindeki satışlardan farqlı olaraq, tüşüv seviyesi alçaq ve o, Avropanıñ yetekçi birja meydançıqları ile bir seviyede buluna.

Rubleniñ yetekçi valütalarğa nisbeti de, AQŞ tarafından Rusiye iş adamları ve şirketlerine qarşı tatbiq etilgen yañı sanktsiyalarnıñ neticesinde üçünci kün ardı-sıra eksilmekte.

Bloombergniñ qıymet kesilmesine köre, aktsiyalarnıñ tüşmesi neticesinde Rusiye iş adamları yalıñız bir künde, aprel 9-da, 16 milliard dollarnı ğayıp ettiler. Şu cümleden, içinde oligarhlar Oleg Deripaska ve Viktor Vekselbergniñ payları olğan «RusAl» şirketine ait aktsiyalarnıñ fiyatı üçte birden ziyade tüşti.

XS
SM
MD
LG