Link açıqlığı

Saatnıñ esas haberi

Rusiye Devlet Duması Qırımda yerastı baylıqlarına litsenziyalarnıñ qayd etilmesi aqqında qanun leyhasını esas olaraq qabul etti


Rusiye Devlet Duması salı künü, aprel 10-daki oturışuvında ilhaq etilgen Qırımda yerastı baylıqlarını qullanuv boyunca qanun leyhasını birinci oquvda qabul etti.

Yerastı baylıqlarını qullanuv boyunca federal agentliginiñ başlığı Yevgeniy Kiselöv, qanun leyhasını taqdim eterken, al-azırda yerastı baylıqları arsalarınıñ qullanılmasına aqlar satışsız, yarışsız ve auktsionsız berile, bu sebepten qanun leyhası, mezkür yerastı baylıqları arsalarını qullanmaq içün aqlarnıñ auktsion neticesinde çıqarılğan Rusiye ukümetiniñ qararı boyunca berilgenini tayin etmek kerek, dep añlattı.

Ondan ğayrı, qanun leyhası, Azav deñizi ve Qara deñizniñ şelflerindeki er bir yerastı baylıqları arsası boyunca auktsionnıñ keçirilmesi, auktsionlarnıñ keçirilüv tertibi ve şartlarınıñ tayin etilmesi ve auktsion komissiyalarınıñ iş tertibi boyunca qararlarnıñ Rusiye ukümeti tarafından çıqarılacağını tayin ete.

2017 senesiniñ dekabrinde Rusiye ukümeti Qırımda yerastı baylıqları arsaları boyunca auktsionlarnıñ keçirilmesi aqqında qanun leyhasını tasdiqladı.

XS
SM
MD
LG