Link açıqlığı

Saatnıñ esas haberi

Poroşenko Rusiye oligarhlarına qarşı sanktsiyalar azırlamaqnı avale etti


Ukraina prezidenti Petro Poroşenko Milliy telükesizlik ve mudafaa şurasınıñ (MTMŞ) Rusiye oligarhlarına qarşı sanktsiyalarnıñ tatbiq etilmesi aqqında qararını azırlamaqnı avale etti, dep bildire Azatlıq Radiosı.

Poroşenko, Almaniya kantsleri Angela Merkel ile ortaq brifingi esnasında: « Men bir qaç kün evel Ukraina Telükesizlik hizmeti, Nazirler kabineti ve Milliy telükesizlik ve mudafaa şurasına, Şurasınıñ kâtibine, eñ yaqın künlerde MTMŞniñ oturışuvında baqılması içün kün tertibine qoyulacaq munasip qarar leyhası azırlamaqnı avale ettim. Ve sanktsiyalar tatbiq etilecek», – dep bildirdi.

Onıñ aytqanına köre, Ukrainanıñ sanktsiyaları «AQŞ ukümetiniñ qararı ile soñ derecede aenkdeşleştirilgen olacaqlar».

Aprel 6-da AQŞ Maliye nazirligi 24 Rusiye memurı ve oligarhı ile devletke ve Kremlge yaqın olğan oligarhlarğa ait 14 şirketke qarşı yañı sanktsiyalarnı tatbiq etti.

Rusiyede aprel 10-da ekinci kün ardı-sıra fond bazarı ve milliy valütanıñ tüşmesi devam ete. Yatırımcılar böyle etip aprel 6-da AQŞ tarafından tatbiq etilgen sanktsiyalarğa qarşılıq köstermege devam eteler.

XS
SM
MD
LG