Rusiyede aprel 10-da ekinci kün ardı-sıra fond bazarı ve milliy valütanıñ tüşmesi devam ete. Yatırımcılar böyle etip aprel 6-da AQŞ tarafından tatbiq etilgen sanktsiyalarğa qarşılıq köstereler, dep bildire Azatlıq Radiosı.
Rusiyeniñ yetekçi RTS indeksi, aprel 9-da ğayıpları 9% teşkil etken soñ bugün Kyivde saat 11:25’teki vaziyetke köre 3%-ni ğayıp etmekte.
Ruble de ucuzlay – bir dollar içün endi 63, bir yevro içün – aman-aman 78 ruble bereler.
Aprel 6-da AQŞ Maliye nazirligi 24 Rusiye memurı ve oligarhı ile devletke ve Kremlge yaqın olğan oligarhlarğa ait 14 şirketke qarşı yañı sanktsiyalarnı tatbiq etti.
Sanktsiyalarğa oğrağanlar arasında iş adamları Oleg Deripaska ve İgor Rotenberg, «Gazprom»nıñ rehberi Aleksey Miller ve içki işler naziri Vladimir Kolokoltsev bulunalar.
Rusiye Tış işleri nazirligi, Moskva AQŞnıñ yañı sanktsiyalarını «sert bir cevapsız» qaldırmaz, dep bildirdi.
