Nikita nebatat bağçasında yarı qatmer Çin erılğanı adet üzre açqan vaqtından 2 afta evel açtı. Bunı bağçanıñ matbuat hizmeti bildire.
Biologiya ilimleri namzeti, erılğan kollektsiyasınıñ kuratorı Vera Zıkova: «Ondan soñ erte açqan «Reamür» ve «Düffon» cınısları estafetanı almağa azırlana. Umumen, Nikita nebatat bağçasında erılğannıñ yüzge yaqın cınsı, şekli ve çeşiti toplandı. Olarnıñ 47-si Cennet bağçasınıñ ekspozitsiyasında taqdim etile», – dep bildirdi.
O, Bağçada erılğan açqanınıñ eñ gürdeli vaqtı, aprelniñ soñki aftasına doğru kele, dep hatırlattı.
Daa evel, Nikita nebatat bağçasında Lebner magnoliyası çeçekleriniñ birinci ğonceleri peyda oldı, dep bildirilgen edi.
Nikita nebatat bağçası 1812 senesinde cenübiy yalıdaki Nikita köyünde tesis etilgen edi. Onıñ territoriyasında türlü ösümliklerniñ yüzlerce çeşiti öse, kaktuslar oranjereyası ve küçük bir bambuk ormanı bulunalar. Bağçanıñ territoriyasında er yıl küz çiçeginiñ oyun aqşamı, lâleler, güller, susamlar, kün güzeli çiçekleri ve sarmaşıqlarnıñ sergileri ötkerile.
