Link açıqlığı

Saatnıñ esas haberi

Ukraina, Keriç köprüne ola, onlarca million hrivnanı ğayıp ete – nazir Omelân


Keriç köprüniñ qurucılığı. Arhiv fotosureti
Keriç köprüniñ qurucılığı. Arhiv fotosureti

Rusiye tarafından Keriç köprüniñ qurucılığı Mariupol ve Berdânskte vaziyetni stabilsiz alğa ketire, Ukraina ise onlarca million hrivnanı ğayıp ete. Bunı Azatlıq Radiosı efirinde Ukrainanıñ infrastruktura naziri Volodımır Omelân bildirdi.

«Biz endiden soñ köpürniñ kemerleri altından keçip olamaycaq gemilerniñ parametrleri sıñırlanğan içün büyük paralar ğayıp etemiz. Şimdi bu, eñ azından yapılğan qıymet kesilmesine köre, onlarca million hrivna, lâkin menim fikrimce, asılında bu bayağı ziyadedir, çünki biz iş yerlerini ğayıp etemiz. Rusiye, bunı yapıp, Mariupol ve Berdânskte onsız da sade olmağan vaziyetni daa da qozğata», – bildirdi o.

Nazir, bundan evel özü bildirgeni kibi, kelecekte bunıñ, «Ukrainağa ait Qırımnı Ukrainağa ait Kubannen birleştirgen köpür olacağını», bekley.

Omelânnıñ aytqanına köre, infrastruktura nazirligi, qanunsız qurulğan köpür boyunca Rusiyege qarşı davalar azırlar eken, adliye nazirliginen beraber çalışa.

Para cezaları olacağına inanam. Tazminatlar ciddiy olacaq», – dedi nazir.

Keçken seneniñ dekabrinde, işçilerniñ ilhaq etilgen Qırım ile Rusiyedeki Taman şeeri arasında qurulğan köpürniñ avtoyol qısmındaki közlerni cıymağa bitirgenleri aqqında bildirilgen edi.

Rusiye prezidenti Vladimir Putin Keriç boğazından keçit qurmaq niyeti aqqında Qırımnıñ işğalinden aman soñra, 2014 senesiniñ martında ilân etti. Köpürni 2018 senesine qadar qurmağa ve 2019 senesiniñ yazında işletmege açmağa vade ettiler.

Ukraina tarafı Rusiye ile köpürniñ qurulması aqqında añlaşmadan 2014 senesinde – Qırım Rusiye tarafından ilhaq etilgen soñ çıqtı.

XS
SM
MD
LG